انا عندى سؤال نفسى فى اجابة ليه احنا ليه بقينا كده ؟
حد لطيف هيقولى كده ازاى يعنى ؟! اقول لك يا سيدى ازاى
الكل دلوقتى بقى مش راضى ومش مبسوط بصراحه حالنا ميسرش
كل يوم بنتخلى عن مبادئنا حاجة ورا حاجة لغاية مقربنا
نفقد الروح اللى كانت بتميزنا عن اى حد تانى والناس فى
الشارع مهمومين اوى ومبقاش فى بركة فى الحاجة وبدأ الانحلال يزيد
والرشاوى تكتر والفساد يعم والشئ الغلط بقى هو اللى بيكسب
ومبقاش عندنا مبدأ وهو ده سبب عدم التوازن اللى موجود
فاحنا عندنا شعاراتنا ومنهجنا اللى بندعى اننا عايشين عليه
بس فى حياتنا بنعمل حاجات تانيه خالص بعيده كل البعد
عن اللى احنا بنقوله وده من الاسباب اللى خلت للاسلام صورة
سيئة قدام الغرب او غير المسلمين عموما فمنين احنا بنقول
ان الاسلام بيامرنا باننا نتقن فى عملنا واننا نتحد وبيامرنا
بالالتزام والصدق وحاجات تانية كتير بس لو جينا طبقناها
على الحاجات اللى بنعملها فى حياتنا هتلاقى اننا بنعمل العكس تماما
والتفسير لده مش ان الاسلام هو اللى غلط لا سمح الله لكن ان احنا اللى مش مسلمين صح زى ماحنا برده مش مصريين صح فمين دلوقتى عنده انتماء لبلده
ومين لو سالناه انت مصرى على راى الاخت نانسى هيرد وهو متفشخر اوى
ورافع راسه ايوة انا مصرى. ده فى كتير اوى بيدارى موضوع الجنسيه لو هم بره البلد وحتى لو فى بلدك وحد سالك السؤال ده فى كتير هيقول (اه للاسف) ده باستثناء طبعا لو كنا لسه كسبانين فى ماتش مهم وديه مصيبة فى حد ذاتها ان مصر بكل تاريخها وحضارتها
ولادها ميفتخروش بيها الا لما (ابو تريكه) يجيب جون
وده لان مصر كان ليها ماضى بس مبقاش ليها حاضر
وده اللى هنحاول ندور له على سبب ....
19/02/2008
ايه السبب ؟!!
الاشتراك في:
تعليقات الرسالة (Atom)
هناك 29 تعليقًا:
اولا مبروك على البلوج
وانشاء الله بكرة ينتشر والناس كلها تشوفه وتقراه
ثانيا انا مبسوط انى اول واحد يعلق فى اول موضوع ينزل
ثالثا كلامك كله مظبوط العيب فينا مش فى الاسلام واول ما نرجع لتعاليم الدين الاسلامى حاجات كتيرة فى بلادنا هتتغير بس احنا نحاول ومنيأس ساعتها بلدنا هتتغير للاحسن وهنحبها مش عشان الكورة وبس
تحياتى وربنا يوفقك
شكرا يا حدوته على التعليق
وانا كمان مبسوطة ان اول تعليق يبقى منك
ياريت اللى انت بتقوليه يتحقق فى اننا نتبع تعاليم الاسلام ده هيخلينا احسن كتير طبعا
ويارب دايما اشوف تعليقاتك
بصى يا سمسمة انا بحها وبعشق ترابها
بس بكره النظام والناس اللى شوهت صورتها قدام العالم كله
بوست واقعى فعلا تحخياتى يا جميل
ارجو الاهتمام بذلك الموضوع الموجود بالمدونه وارجو التضامن معى وشكرا
desert cat
اولا انا بجد بشكرك جدا على تعليقك
وعاوزة اقول لك ان انا زيك بحب البلد
بس فى ناس كتير خلطت بين حب البلد وكره النظام فبقوا بيكرهوا بلدهم وياريت نعرف نلاقى لهم حل قبل متحصل مصايب ده على اعتبار ان اللى احنا فيه ده مش مصيبة
وربنا يستر
لحظة من فضلك
شكرا على تعليقك ويارب دايما نشوف تعليقاتك منورة
وربنا معانا جميعا
الفقر ثم الفقر ثم الفقر
شكراً ليكى و تحياتى
والله هى نظرية بس هو مين السبب اللى خلانا شعب فقير مين اللى بينهبنا وبياخد حقنا اكيد الحكومة
ازيك ياسمسمة ياجميلة
انت فعلا عندك حق فى كلامك
المشكلةفينا احنا كبشر الاسلام اصبح مجرد مظهر وقشور ومش بنتعامل معاه كجوهر ولا بنفذ تعاليمه كذلك الانتماء اصبح برضه شىء واهى لاتعرفه الافى ماتشات الكورة
ابو تريكة اصبح هو قدوة الشباب المصرى ومعاه تامر حسنى رغم الاختلاف الكبير لكن حتى القدوة مش موجودة
المشكلة فينا وفى الظروف اللى حوالينا وفى النظام المحيط بينا ككل
سورى على التطويل
ومبروك على المدونة ومنتظرة البوستات القادمة
أولاً بأهنيكي على البلوج الجميل والموضوع الأجمل بس علشان ارد عليكي واقول لك مين السبب مش عارفه بصراحه احنا السبب ولا اهلينا هما السبب إلى دايماً يقولولنا مشوا جنب الحيط ملكوش دعوه بحاجة متتكلمش فى إلي ميخصكش متتدخلش فى إلي مليكش فيه ولا اصحاب اليومين دول إلى دايماً يقولوا كبر ومش مهم وملناش دعوة السلبيه بقت مليه حياتنا كلها والإيجابيات بقت قليله اتمني ان احنا نرجع تاني لتعاليم ديناالإسلامي هنلاقي انه دايما عنده حلول لكل المشاكل فإن الله على كل ش قدير ومره تانيه مبروك على البلوج مع تمنيات بتوفيق ومواضيع جديدة تانيه
semsema congratiolaion..el blog gamed gedan..elmohaem (abo treka) 3amal ele 3aleh weshaf sho`3loh kowayes..we7na lazem nefte`7er beeh..wen7awel me3mel zayo fe sho`3lena ..wehowa dh eleslam...thank`s ...
(Hossam Hamed)
totaaa
الله يبارك فيكى وشكرا على التعليق
وعاوزة اقول لك اننا لازم نبدا بنفسنا علشان نتغير بقى ولازم نعرف اننا لو مخرجناش روحنا من الضياع اللى احنا فيه محدش هيخرجنا
ويارب دايما اشوف تعليقاتك
رحاب
مرسى جدا على تعليقك ويارب بجد المدونة تكون عجبتك
بس انا عاوزة اقول مين اللى خلى فى حيط اساسا علشان نمشى جانبه ومين اللى زرع الخوف فى قلوب الاهالى وليه احنا منكسرش الحيط ده ونمشى فى نص الطريق اللى هيخلينا عارفين الصح من الغلط واللى هيخلينا عارفين اللى لينا واللى علينا قبل محد تانى يكسره على دماغنا كلنا
hossam hamed
على فكرة انا عن نفسى بحب ابو تريكة وبفتخر انه لاعب مصرى ناجح بيعمل اللى عليه وانا مش ضده خالص
بس انا بقول ان مينفعش ابو تريكه او غيره يبقوا السبب الوحيد اللى يخلينا نحب بلدنا هو ممكن يبقى مثل نقلده فى اتقان شغلنا وياريت كمان نقلده فى اننا نحب بلدنا
وشكرا على تعليقك يا باشا
مبروك يا سمسمة على الموقع مغلش هى متاخرة بس انتى عرفة ظروفى و فعلا انتى عنك حق فى اننا بقينى مسلمين بلكلمة وليس بلفعل و بقينى مصريين مزيفين و ما بقيناش ناخد الامور بجد و بقى كل الناس بقولوا ليه الدنيا بقت كده لكن العيب مش فى الدنيا العيب فينا لازم نصلح من نفسنا لامتة هنفضل كده والا كلنا هنبقى زى النعامة و عمرنا ما هنصنع حضارة لكن بعد كل ده لسى عندى امل فى بكرة انه يتغيرة
اتمنى لك التفوق والنجاح دائما
cendrela
والله يا سندريلا احنا حتى محصلناش النعام
بس طول مالحياة مستمرة فى امل لازم نحاول ونتعب لان ديه بلادنا وديه حياتنا وحياة اولادنا لو متعبناش علشان نصلحها هنندم طول عمرنا فلازم نتحرك قبل فوات الاوان
وشكرا على تعليقك
مبروك عالبلوج , وأتمنى أنه يكون فتحة بوستات زى الفل يارب ,,,,
كلامك معبر وحقيقى , وأنا بقولها (انا للأسف مصرى) وده بسبب كتر الغلط ولكن أكيد السبب مش فالإسلام ولا حتى فى مصر نفسها الغلط فالناس فينا إحنا إحنا اللى جبناها ورا إحنا اللى مأخرين نفسنا بعمايلنا دى
واصلى التقدم
أتمنى لك النجاح الدائم
تحياتى
محمود
منورة عالم التدوين
آه انا مصري بس مش للأسف عارفة ليه؟
عشان نفس المصري اللي بيخرب في بلده هو هو المصري اللي بيبني برة فأحسن ناس بتعمر هما المصريين هما الدكاترة اللي بتشفي والعلماء اللي بتخترع والمهندسين اللي بتبني
يبقي العيب في مين العيب في اللي ماسكين البلد ومش قادرين يخرجوا الحاجات الكويسة اللي جوانا
احنا كويسين وييجي مننا
تحياتي
شكله بلوج جديد
الف مبروك
ودا اولاً
اما بقى ثانيا-- يمكن فى ناس كتيييييييييير قوىىىىىىىىى زى ما انتى بتقولى
لكن فى قليل يمكن لسه جواه الحلم بتاع بكرة
يبقى ليه بقى ؟
طب مانحلم ببكرة احسن فى ظل بلد افضل و اعرق
وليه مش افتخر انى مصري مدام انا قادر اورى الناس اللى بره انى مصري على حق
مش ناخد ونجرى و نقول للأسف انا مصري زى ما بنسمع عن اللى بيطلعو منا و دول طبعا القله
....
تحياتى ليكى و ربنا يوفقك
تمر حنة
tamr 7ena.............kalamek sa7 gedan .ana nefse negarab netfa2l ana shaef enna hanefdal netkalem bas ....3ala fekra el tasha2om beydaya3 el a7lam ...thank's
nice tamr 7ena ..
Hossam Hamed
tamr 7ena.............kalamek sa7 gedan .ana nefse negarab netfa2l ana shaef enna hanefdal netkalem bas ....3ala fekra el tasha2om beydaya3 el a7lam ...thank's
nice tamr 7ena ..
Hossam Hamed
mahmoud
شكرا يا محمود على تعليقك
وكويس انك معترف ان العيب مننا
بس انا عاوزاك قبل ماتبقى زعلان انك مصرى تسال نفسك انت بتعمل ايه علشان مصر تبقى فخورة انك ابنها
ويارب دايما تفضل فاكرنا بتعليقاتك
المفقوعة مرارتها
شكرا على تعليقك
وعلى فكرة عالم التدوين منور بصحابه
انا متفقة معاكى اوى كلامك مظبوط
فعلا طريقة النظام موتت فينا كل حاجة حلوة
تمر
الله يبارك فيكى يا تمورة
وكويس انك متفاءلة وبتحلمى وعارفة اننا لازم نتعشم فى ربنا خير بس كمان لازم نسعى علشان الخير ده يحصل
شكرا ليكى
hossam hamed
والله فيك الخير انك متابع
وطبعا التفاؤل والامل هما سر الحياه
شكرا ليك
على فكرة مصر كلها بتبص لقدام
لما نشوف اخرتها
عشان مبقناش مسلمين بجد
مبقاش عندنا الروح بتاعة زمان
دلوقتي محدش بيخاف على حد ولا بيراعي احساس حد
كله يالله نفسي وبس
عاشن كده بقينا كده وحنفضل كده وكمان ممكن نتطور ونبقى أزبل من كده وسوري للفظ
dream
طيب انت رايك ايه لو قلنا ان مفيش حاجة هتتغير ومفيش امل نروح نموت بقى احسن ولا ايه
شكرا على التعليق
كل ما أقرأ موضوع ده بجد بضايق
يا ريت يا سمسمه تشوفي موضوع غير ده عشان أقرئهولك الواحد حاسس انه ملوش قيمه في بلده
ربنا يعدي الأيام دي على خير
احلام عمرنا
احنا لو مواجهناش مشاكلنا بنفسنا هنفضل زى ما احنا ومش هنتقدم ابدا
شكرا لمتابعتك
إرسال تعليق