انا المرة ديه هطرح مشكلة بتمر بالمسلمين وهى الصلاة اول مايسال عنه العبد فى قبره
انا عارفة ان الحمد لله فى كتير من المسلمين بيصلوا وعارفين ربنا بس برده فى شباب كتير مبيصليش للاسف وديه مصيبة كبيرة لان بكده يبقى احنا نسينا السبب اللى ربنا خلقنا عشانه
ربنا خلق الانسان عشان يعبده ويعمر الارض واساس العبادة هى الصلاة وبالصلاة هنعمر الارض وهنبقى احسن وطبعا كلنا عارفين حكاية ( كونداليزا رايس ) اللى بتقول ان المسلمين مش هينتصروا على اليهود الا اذا بقة عدد المسلمين اللى بيصلوا الفجر فى المسجد قد عدد المسلمين اللى بيصلوا الجمعة. وسواء كانت الحكاية ديه حقيقية أو لأ بس المضمون بتاعها صح فعلا احنا كمسلمين لو بقينا قريبين من ربنا كده اكيد حاجات كتير هتتصلح فينا وساعتها ربنا هينصرنا وهنبقى اقوى بديننا
ولو اتكلمنا مع اى حد مش بيصلى وسمعنا مبرراته هنلاقى انه بيقول انه بينسى وان اليوم بيعدى بسرعة وانه مش بيحس بالوقت وانه بيبقى مشغول بحاجات كتير
بس لو كل واحد وقف مع نفسه وقال خلاص انا هصلى و يخلى الصلاة تبقى هدف كبير وطريق يرضى بيه ربنا ونخلى عندنا عزيمة و ندى الاولوية للصلاة عن اى حاجة تانية صدقونى هنتغير وهنصلى
وعلشان الموضوع مايبقاش كلام وخلاص ويبقى بفايدة انا بطلب من كل اللى قرأ الموضوع
انه يقول حل لمشكلة الصلاة او يكتب اقتراح لاى حد مش عارف يواظب علي الصلاة
يمكن نبقة بكدة عملنا حاجة مفيدة
05/04/2008
عماد الدين
الاشتراك في:
تعليقات الرسالة (Atom)
هناك 31 تعليقًا:
عماد الدين ده شارع فى العتبه
بجد بوست هايل
والله مش عارف
بس تقوى الله هى الحل والله
لانى الناس كلها عارفة اهمية الصلاة
تحياتى
لازم نبداء من نفسنا ونقوي دينا ونبقي كويسين الصلاه عماد الدين وان الصلاه تنهي عن الفحشاء والمنكر والبغي
ربنا يهديكي ويهدينا جميعا.
اولا ..الله ينور يا سمسمة البوست جامد والشكل الجديد جامد بس مين الكلب ده ....
انا شايف ان عشان الواحد يصلى ويواظب فى الصلاه يعرف كويس انه لو مصلاش ايه اللى هيحصله .بمعنى اننا كلنا عارفين ان اللى مش بيصلى بيرووح النار لحد ما بقينا شايفين ان النار بقت كلمة عادية لازم تخاف منها عشان تعملها حساب .وكمان لازم تعرف ايه هى الجنة انت لو عرفت ايه هى الجنة اكيد هتفهم قصدى وانك لما تصلى ايه اللى هيحصلك وزى ماهى تقيلة على قلبك لازم تعرف ايه اللى يخليها خفيفة ..يعنى من الاخر اللى عاوز يصلى ويستمر يفهم ايه هو دينه بالظبط الاسلام مش جنة ونار وبس ...
تحياتى يا سمسمة وكتر الله من امثالك
صوت من مصر
ههههههههههههه
والله انت ادرى انا ماروحتش الشارع ده قبل كده
وشكرا على كلامك الجميل
تحياتى
مدحت محمد
الله ينور عليك
ديه اول زيارة ليك وياريت ماتكونش الاخير
تحياتى
واحد بيدور على قلبه
معاك حق فعلا الصلاة هى اهم حاجة فى الدنيا وهى سلاح المسلم
تحياتى
حسام حامد
شكرا يا حسام على تعليقك
كلامك مظبوط فعلا كلمة النار بقت سهلة ومبقيناش نخاف منها بنعتبرها كلمة وبتتقال وخلاص
تحياتى
السلام عليكم
بصراحه ربنا يوفقك
ويجزيك خير على البتعملى
وان شاء الله يجعله فى ميزان حسناتك
بصراحه توبيك هايل
مبروك عالتغيير الجميل
بوستاتك كالعادة هايلة
وأعتقد طالما إتنفذت شروط الأسلام الخمس يبقى مفيش مشاكل
تحياتى للسمسمة
محمود
السلام عليكم
بغض النظر عن الكلب اللى انتى حطاه
بس الموضوع جميل كالعادة
جزاكى الله خيرا
وربنا يوفقك
سلالالالالالالالالالالالالالالام
مبروك على الشكل الجديد للمدونة الكلب الي بره ده عامل شغل جامد بصراحه
بالنسبه للموضوع الي انتي كاتباه هو فعلا مهم اووووي بس مشكله الشباب بيتاكسل ومبيصحاش غير لما يحصله صدمه كموت شخص قريب منه والمشكله انه بيصحى للحظات وبيرجع تاني للهو فيه
يا ريت نتمسك اوي بدينا
وشكرا لمرورك يا سمسمه يا مزبطاني
ربنا يخليكي ليه
اصعب شيء انك تقدري تحللي مشكلة علاقة الانسان بربه لان الوحيد اللي يقدر يصلح العلاقة دي هو الانسان نفسه
وربنا اذا وجد في قلبه ولو ذرة من الايمان مش هيسيبه وهيرسله علامات واشارات مرة واتنين وتلاتة
لكن المهم انها تكون نابعة من دخاخل الانسان نفسه الرغبة في انه يتقرب من ربه
موضوعاتك قوية كعادتها
دى اول زيارة لمدونتك يا سمسمة ، والبوست ده رائع كلامه ورائع الهدف منه ، اذكر مرة انى قرأت ذلك الموقف
دخل جماعة على رسول الله صلى الله عليه وسلم وطلبوا ان يدخلوا الاسلام بشرط ان يمتنعوا عن الجهاد ، ورضى منهم رسول الله ذلك حتى يحببهم فى الدين
ثم طلبوا ان يمتنعوا عن الزكاة ووافق رسول الله ايضا
فطلبوا ان لا يصلوا ، فرفض رسول الله عليه افضل الصلاة والسلام وقال : لا خير فى دين لا صلاة فيه
اتمنى تزورى مدونتى
estraha.blogspot.com
موضوع مهم جدا احييكى على طرحه
وانا شايفة ان اللى مابيصليش عندهم مبررات كتيرة اوى غير اللى انتى قلتيها كمان والحل من وجهة نظرى انه يبقى عارف حاجة واحدة العهد بيننا وبينهم الصلاة فمن تركها فقد كفر ويعرف كمان ان عقابه واللى المفروض على اللى حواليه يعملوه معاه منها عدم الاكل معهم ولايصلى عليه حين وفاته ولايدفن فى مدافن المسلمين ولا يسلم عليه يعنى المفروض نتعامل معاه على اعتبار انه منبوذ
وياريت يسأل نفسه ايه الفرق بينه وبين الغير مسلم؟
اولا الموضوع هادف جدا وميرسى ليكى بس الصلاة بتكون نابعة من جوانا كمسلمين والمواظبة عليها لا تحتاج نصيحة منا لفرد اخر لانو لو بالفعل معندوش استعداد للصلاة ورضا ربنا مش هيقرب النصيحة واجبة لكن فى نفس الوقت لازم تكون جوة الشخص نفسة نابعة منة فكرة انو يقرب من ربنا
شكرا وتحياتى
abo 7anf
اولا بشكرك على كلامك الجميل
ديه اول زيارة ليك يارب المدونة تكون عجبتك
وخلينا نشوف تعليقاتك دايما
تحياتى
mahmoud
الله يبارك فيك
وشكرا على كلامك الجميل ده
كلامك مظبوط
شكرا على متابعتك
تحياتى
حدوتة
ربنا يخليك
انت دايما رافع معنوياتى
تحياتى
احلام عمرنا
انا عايزة اعرف هو الكلب اللى برة ده مدايقوا فى حاجة
هو انتوا مش قادرين غير عليه يعنى
بشكرك على كلامك
وربنا يهدى الكل
تحياتى
سنووايت
والله وحشتينى
شكرا ليكى
انتى صح بس اوقات الانسان بيحتاج ان حد يفكره وانا بحاول انى اكون الحد ده
انا و أى حد بيعمل اى خير للاسلام
تحياتى
استراحة محمد
ربنا يخليك على الكلام الجامد ده
يارب الزيارة ديه ماتكونش الاخيرة
وياريت المدونة فعلا تكون عجبتك
وفعلا الصلاة هى عماد الدين واساسه
تحياتى
monaliza
منورانى كالعادة
الله ينور عليكى
فعلا الصلاة هى الشريط اللى بينا وبين الكفار فياريت نحافظ عليه
تحياتى
princess bery
اول زيارة ليكى
منورانى
كلامك صح وانا معاكى ان لصلاة والعبادات لازم يكون الانسان عارف من جواه انه لازم يعملها
بس فى ناس كتير بتبقى عندها الرغبة ديه بس محتاجة حد يحركها
تحياتى
بصى يستى انا هقولك على حاجه انا مجرباها انا واصحابى
وكانت بخصوص صلاه الفجر لان معظم الناس بتكسل تصحى
ممكن كل جروب لو واحد بس صحى يرن على الباقيين ويصحيهم واكيد معظم مصر بقى معاها موبيلات دلوقتى
وكل ما واحد يصحى يرن على اصحابه يصحيهم
وبدل ماتكون لصلاه الفجر بس ممكن للصلاوات كلها ونفكر بعض ان فى صلاه ونقوم نصلى
لو الموضوع ده بدا مع مجموعه كبيره شويه شويه تلاقى الناس بتتضاعف
وربنا يارب يثبت ايمانا وايمان كل المسلمين
بت يا سمسمه فين مواضيعك الجديده
طيب تعالي شوفي الأغنيه دي وقوليلي أيه رأيك
مش عايز مجاملات ومش عايز تريقه برضه
حتكتبي كلام حلو يعني حتكتبي كلام حلو
منتظرك
بجد احب احييكى ع طرح الموضوع المهم جدا جدا دة
ثانيا الحكاية قبل كل شئ تربية وتعود
ثالثا كتيير يعرفوا اهميتها بس بيتلككوا بالإنشغال او بأى حاجة
رابعا بدعوكى تزورينى ف مدونتى ......
ماشاء الله...ربنا يكرمك ويفتح عليكى
فعلا الصلاه عماد الدين
وقال رسول الله صلى الله عليه وسلم
العهد الذى بيننا وبينهم الصلاه
بمعنى ان الصلا هى الى بتفرقنا عن غيرنا من اصحاب الاديان الاخرى
الى مش بيصلى بقى يقابل ربنا على اى دين يحبه طالما مش معرف دينه بالصلاه
بارك الله فيكى
تحياتى
di el2mr
والله فكرة جميله جدا
وفعلا ممكن تفيد اى حد مش قادر يواظب على انه يصلى
شكرا على تعليقك
وعلى الفكرة الجميله اللى انتى طرحتيها
تحياتى
دعاء مواجهات
ديه اول زيارة ليكى للبلوج
يارب يكون عجبك وياريت نشوف تعليقاتك علطول
اشكرك على تعليقك الجميل
وعلى دعوتك ليه
تحياتى
momken
معاك حق كل واحد واختياره
ربنا يثبت المسلمين ويهديهم كلهم يارب
شكرا على تعليقك
تحياتى
إرسال تعليق