كل منا انسان قابل للتحسين
فنحن كبشر خلقنا لنعمر ونبنى
بفطرتنا نسعى وراء السلام ونتعامل به
بطبيعتنا نحب ونفرح ونحزن ونخاف
نبحث دائما عن اجمل مافينا لنظهره
نبحث عن ما يجعلنا سعداء لنفعله
نبحث عن ما يقربنا ممن نحب لنقترب منه
فالانسان بطبعه اجتماعى
لا يحب ان يعيش فى عزلة
هذه طبيعة كل منا وهكذا خلقنا الله
لكنى لاارى هذه الطبيعة البشرية تنطبق علينا الان
ارى الجميع يسعى وراء الحرب والخراب
ارى ان السلام اصبح وسيلة الضعيف
ارى اننا لانستخدم عقولنا للتفكير
ارى التسرع فى جميع القرارات المتخذة
بالرغم من انها احيانا تتحكم فى مصير شعوب كاملة
لا ارى للحكيم بيننا اى مجال
لا ارى السعادة تغمر اى وجه
لا ارى الحب يملأ اى قلب
لا ارى اى فعل نفعله يصلح لكى ينسب الى كلمة الانسانية
لا ارى اى شئ يجعلنى اصدق اننا بشر حقيقيين
ولكنى لا ارى ايضا اى نفس مرتاحة
ولا ارى ضميرا صافيا
ولا ارى عينا تنام فى طمأنينة
لان كل مانفعله فى حياتنا متعارض كليا مع طبيعتنا نحن كبشر
فالكره والحقد والانانية والعنف مظاهر لاتتوافق مع فطرتنا النقية الصافية
ولا اصدق اننا خلقنا لغرض ففعلنا عكسه
وبالرغم من عدم تكيفنا معه فكلنا مصرون على ان نظل كما نحن
ولكن هل تتفقون معى فيما اقول ؟
هل ترون ما أرى ؟ هل تعيشون ما اعيش من أسى وندم ؟
هل تجدون للحياة معنى هكذا ؟
عندما كنت افكر فى هذا الموضوع اعجبتنى فكرة
ليه منبقاش احسن ؟
دايما فى امل للتغيير ودايما فى فرصة للتعمير
ودايما فى وقت علشان نفكر
بقينا كده ليه
وهنعمل ايه عشان نبقى احسن ؟
09/06/2008
هكذا خلقنا الله
الاشتراك في:
تعليقات الرسالة (Atom)
هناك 49 تعليقًا:
اول تعليق وااااااااااووو
والله يا سمسمه عندك حق ف كل اللى قولتيه بجد
الناس بقت وحشه قوى
وكلمه السلام بقت تغطيه للحروب
لنا الله
بوست جمييل احييكى
السلام عليكم ورحمه الله وبركاته
جزاكم الله خيرا سمسه
وقبل الكلام اعتذر على التاخير فى الرد بسبب ظروف كانت لدى
بخصوص الموضوع
سعيد جدا بهذا الفهم لفطرة الله التى خلقنا الله عليها
وكل ما ذكرتى من حالنا الان ومن اوضاع موجودة لا نستطيع انكاره لكن وان كان منتشر الا ان التعميم غير صحيح أليس كذلك؟
لامر الاخر قال رسل الله صلى الله عليه وسلم الخير فى وفى امتى الى قيام الساعة
فلنستبشر خيراص أن شاء الله
السبيل الى الخلاص مما حل بنا
قال تعالى
(وما كان ربك ليهلك القرى وأهلها مصلحون) لم يقل صالحون ...لما؟؟؟؟
أصلح نفسك وأدعوا غيرك الى ما تحب ان تراه عليه وهو أفضل شىء
لا تيأس أبدا من رحمه الله ومن ان من تحاول تغييره سوف يتغير بأذن الله
اعتذر على الاطاله وفقكم الله لما يحبه ويرضاه
والسلام عليكم
الموضوع فى حد ذاته ومميز
وبجد اسم المدونه مميزه
وتشكى لمين لا
الشكوه لغير الله مذله
ههههههههههههههههههههه
حمداً لله على سلامتك يا سمسمه عامله ايه والنتيجه اخبارها ايه
بالنسبه للموضوع الناس هيا المشكله مش قادرين يغيروا من نفسهم لسه عاوزين يفضلوا سلبيين عايشيين فى الظلام مش عاوزين يشوفوا النور مش عاوزين ينفضوا غبار الكسل والجهل والسلبيه لسه ماشيين جانب الحيط وخايفيين علشان كده عمرنا ما هنخطي خطوه لأقدام طول ما في ناش بالشكل لازم نتغير علشان نقدر نغير الأوضاع الغلط إلى حوالينا
تحياتي
كلامك و الموضوع كله ممتاز....محتاجين كل واحد منا يقف مع نفسه في نهاية كل يوم
يحاسب نفسه...انا عملت ايه صح؟ عملت ايه خطأ ؟...
لان الخير و الشر داخل كل فرد منا...النفس الامارة بالسوء و وسوسة
الشيطان...الا من عصم ربي.
و افضل علاج في رأيي المحافظة علي ذكر الله
و التريث قبل النطق بما يغضب الله و الاخرين....
ان كان الكلام من فضة فالسكوت من ذهب.
تحياتي و شكري و تقديري
اللي فيه طبع صعب اوي يغيره واسأليني انا
بنت مصرية
اشكرك على التعليق وعلى كلامك الجميل
بس ياترى ايه اللى خلى الناس وحشة ؟
وايه اللى خلانا بنضحك على نفسنا ونرضى بالواقع اللى ممكن نغيره ؟
تحياتى ليكى
د\ابو يحي وادم
وعليكم السلام ورحمة الله
فى الاول اشكرك على تعليقك
وبالنسبة لموضوع التعميم
انا شايفة فعلا ان التعميم هو الاصلح
مفيش حد دلوقتى محتفظ بانسانيته ومفيش حد بيتعامل بالود ولا حد بيحل المشاكل مستعين بالتسامح التفاهم بقت كلمة مش موجوده فى حياتنا
يمكن اكون انا اللى متشائمة
و ياريت اكون غلطانة فى الموضوع ده
تحياتى
صوت من مصر
ونعم بالله طبعا
بس الفضفضة بتريح برضه ولا ايه ؟
تحياتى
فى حب الله
والله كلامك كله حكم
طيب من وجهة نظرك يارحاب
ازاى نقدر نتخلص من السلبية فى مجتمعنا؟
تحياتى
وشكرا على زيارتك
الربان
احييك بشدة على كلامك
انت ذكرتلنا اجمل طريقة تخلى الخير دايما جوانا
جزاكم الله خيرا
اشكرك
المفقوعة مرارتها
بس احنا لو محاولناش نبقى احسن مش هنفضل على حالنا لأ احنا هنتنيل اكتر والبلاوى هتزيد اكتر واكتر
تحياتى
وشكرا على مرورك
برافو عليكى
احنا فعلا لازم نفكر ازاى نغير
من نفسنا
وكمان من الناس اللى حوالينا
تحياتى ليكى ياباشا
من الواضح انك خلصتى امتحانات
ومن الواضح انك كتبتى بوست جديد
ومن الواضح ان هو ده البوست
البوست حلو اوى
بواطن الناس بقت مختلفه تماما عن ظواهرها
فعلا كل كلمه بقت اعلان حرب
وكل ابتسامه بتخبى وراها كوارث
لكن الخير موجود وكتير الحمد لله
ودليل ده ان لسه فى ناس بتقدر تميز الشر
ووجود النقيض بيحتم وجود الضد
البوست حلو اوى
تحياتى
سمسمه
السلام عليكم ياقمر
كلامك مع الاسف صحيح كتير من الناس اصبح يحب العزله لأننا مع الاسف كبشر مبقناش نحس ببعض وبقينا نتفنن في اذية بعض سواء بالقول او الفعل
ويمكن الانسان الكويس تحسي مبقاش ليه مكان وسط البشر دول
بس ارجع واقول ان فيه ناس بقيت تعمل مجتمعات خاصه بيها كلها ود وحب واخاء ودا شفته في الواقع
وصدقيني لو الناس بدأت تفكر وتحس ببعضها هيعود الود والحب بتوع زمان
بوست جميل اوي
ومدونتك جميله بجد
دمتي بخير عزيزتي
السلام عليكم
حمد الله على السلامة
ويا رب تكون الامتحانات عدت على خير
على فكرة ده اجمل بوست كتبتيه لحد دلوقتى
الى الامام دائما
سلالالالالالالالالالالالالالالالالالالالالالالالالالالالام
السلام عليكم
*******
اول زياره وليا تعليق
احنا منرميش الوم على الناس
الناس الله يكمون فى عونها كل واحد نازل
من بيتو بيفكر هيعمل ايه فى يوم الخميس
ويوم الاربع وهيجيب ده منين وازاى
طب اعمل ايه لسه اول الشهر هقبض
طب الجمعيه منين
طب البنت هجبلها حجتها اذاى كل ده مش عيذين الناس متمشيش جمب الحيط
مش عيذنهم يكلمو نفسهم الجهل الى احنا فيه السبب فيه مش الناس السبب فيه الى ربنا يحرقو بجاز
مش عارف اقول ايه
لكن البوست يخلى الواحد يكلم وينسا نفسو من جمالو اتمنا زياره مدونتى
*************
سلام عليكم
ربنا خلقنا كدا لكن احنا لعبنا فى نفسنا زى ما لعبنا فى كل حاجه ربنا خلقها
(ولأمرنهم فليغيرن خلق الله) ربنا قالها وصدق الله العظيم.
كلام مظبوط يا سمسمة
انا مش عارفة ليه بقينا كدة
ليه سبنا الشر يغطي علي الخير في حياتنا
بس المهم نعمل ايه علشان نبقي احسن
لازم نرجع لربنا الاول ولفطرتنا اللي اتخلقنا عليها كل واحد من مكانه يعمل اللي يقدر عليه , وخاصة الحاجات اللي ليها تأثير علي قاعدة كبيرة من البشر زي وسائل الاعلام وخصوصا التليفزيون
مدحت محمد
شكرا على التعليق وعلى الكلام الجميل
التغيير لازمله عوامل كتير لازم تكون متوفرة فينا
مثلا المفروض اننا نبقى مقتنعين اننا كده غلط ولازم نتغير
ولازم يبقى عندنا استعداد اننا نفشل مرة وننجح مرة
ولازم يبقى عندنا هدف للى احنا عاوزين نوصله
تحياتى
momken
ومن الواضح انك علقت
وان ده تعليقك
هههههههه
اشكرك على كلامك
كلامك صح جدا وانا متفقة معاك
تحياتى
حبيبة القمر
نورتينى فى اول زيارة ليكى
ويارب الكلام الجميل ده مايبقاش مجاملة
انا عارفة ان ايام زمان كانت ايام جميلة الناس كانت طيبة والنفوس كانت صافية بس انا معاكى اننا لازم نفكر هنعمل ايه فى زمنا ده عشان احنا نعرف نعيش مرتاحين مانعيش فى احلام الزمن القديم لازم نحاول
تحياتى
ويارب ماتكونش اخر زياة
حدوتــة
وعليكم السلام
شكرا على كلامك الجميل
وانا مبسوطة ان البوست عجبك
تحياتى
ادم المصرى
اهلا بيك فى المدونة انت منورنا
كلامك مظبوط بس انا ماقولتش اننا نمشى جانب الحيط انا اللى بقوله ان المفروض ان كل واحد مننا يدور على نفسه بجد وينسى القناع اللى عايش بيه ويحب اللى قدامه ويعيش زى ماربنا خلقه
وبالنسبة لهموم الناس ماحدش ينكر انها كل يوم بتكتر وان الحياة بقت صعبة لكن المفروض اننا منصعبهاش من كله
كده لاحكومة مديانا حقنا ولا الناس بقت بترحم ده انت كمان مش لاقى حد تشكيله همك
تحياتى وشكرا للتعليق
blue-wave
ونعم بالله
هاقول ايه الانسان بيدور على المتاعب باديه بس برده لما نفوق من اللى احنا فيه هنبدا ندور على الحل
بس ياترى هنفوق امتى ؟
ربنا يستر
اول زيارة وياريت ماتكونش الاخيرة
نورتنا
تحياتى
سنووايت
كلامك صح طبعا
بس انا شايفة اننا لو اتغيرنا احنا اللى هنغير اللى بييجى فى التليفزيون
صعب ان العكس هو اللى يحصل
لازم فكرة التغيير تبقى قدام عين كل واحد فينا ولازم نفكر نفسنا اننا بشـــــــر
تحياتى
ماهو علشان مبقاش فى وسطنا للحكيم مجال
اصبحت السعادة تضل طريقها الينا
تحياتى على كلماتك الواقعيه
عندك حق فى كتير من اللى قولتيه
بس ممكن يكون لسه فى امل
لا ده اكيد لسه فى امل
تحياتى
السلام عليكم
ازيك يا سمسمه
دى اول زياره ليا فى مدونتك
والبوست بتاعك رائع جدا
بس الناس بقت وحشه اوى يا سمسمه
وكل واحد لابس الف قناع
مفيش صدق وبقى عنوانهم الخيانه والغدر
تحياتى يا قمر
ريمان
تطرقتى لموضوع خطير بجد
وانا شايفة ان كل ده من عدم الرضا كل واحد مش راضى عن حياته وعايزها تكون على مزاجه بغض النظر هى مكتوبلها ايه
الحل فى الرضا
عندك حق فى كل كلمه
بس مين يسمع
وحتى لو حد سمع
مين هينفذ
كله هيقرا ويسمع ويقول صح ومظبوط وتماما
ووقت الجد لما نقول حد ينفذ كله هيقول يلا نفسى
علشان مفيش حاجه بتتغير
وحالنا بيكون كل يوم اوحش من اللى قبله
لكن برضو هيفضل لسه فى امل
وربنا كبير وقادر يساعدنا كلنا علشان نتغير
فيه فرق كبير بين سلام القوى وسلام الضعيف بس برضه مش ممكن الدنيا كلها تحارب بعض
التغكير فى التغيير خطوة اولى واساسية حتى نستطيع التغيير
لو كل واحد حاسب نفسه ووصل لعيوبه وعالجها شكل الدنيا هيتغير جذريا
بس للأسف انا مؤمن ان ده مستحيل ، الخير والشر متأصلين فى الدنيا دى
تحياتى دائما
desert cat
اشكرك على تعليقك
وعلى فكرة مش السعادة بس هى اللى ناقصانا الرضى والبال المرتاح كمان
تحياتى
ammar
طبعا فى امل بس يارب ننجز ونبدأ نغير نفسنا وبعدين نستنى النتيجة
اول زيارة منورنا
ويارب نشوف تعليقاتك علطول
تحياتى
ا
ريمان
اشكرك على كلامك الجميل
وبجد انا مبسوطة ان البوست عجبك
ويارب تفضلى تزورينا علطول
الناس بقت وحشة طب ياترى ايه اللى هيخليهم يتغيروا
تحياتى
موناليزا
كلامك صح جدا
الناس مش بس بتعمل اللى هى عايزاه بغض النظر عن اللى مكتوبلها ده بغض النظر عن الوسيلة اللى هتوصلهم لهدفهم بغض النظر عن ضميرهم اللى مات
تحياتى ياقمر
واشكرك على متابعتك
di el2mr
الامل فى اننا بالرغم من عمايلنا السودة فى مننا مش عارف ينام
المفروض بقة اللى ضميره مأنبه ده يبدأ بنفسه ويخلى ضميره هو اللى يمشيه
تحياتى يا جميل
وشكرا على كلامك
حقى اهرتل
اهلا بيك فى اول تعليق نورتنا والله
الحرب اقسى حاجة فى الدنيا وبالرغم من انها تعتبر مصيبة لاى بلد احنا بقينا مستسهلينها او على الاقل بنجر شكل اللى قدامنا مش بس الدول وبعضها لأ بين الافراد كمان التسامح والتفاهم كلمات مبقتش فى القاموس بتاعنا
تحياتى
استراحة محمد
انا معاك انه صعب لكن مش مستحيل
اللى بتقوله مظبوط جدا لكن مفيش حاجة مستحيل بس التغيير عايز وقت
تحياتى
اممممممممم مش عارفة اقولك ايهو لا ايه البلوج بتاعك حلو اوى كله و حاصة البوست ده ده اول مرور ليه بس مستحيل يكون الاحير و كمان الصورة اللى حطاه فى البوست ده حلو اوى
موفقة و الى الامام دائماً
تحياتى
واضح انك خلاص مبقتيش تعرفي حد ماشي ياسيتي إلى علي علي ربنا يوفقك على العموم ارجو الدخول إلى المدونه عندى للمشاركه فى حمله فى حب رسول الله
سمسه ارجو منك الحضور فوراً وزيارة مدونه فى حب الله انا عارفه انك لسه طالعه من مذاكرة وامتحانات بس معلش ليكي عندى واجب صغير كده تعالي واستلميه
nonni
انا اللى مش عارفة اقولك ايه على كلامك الجميل ده بجد ربنا يخليكى ليه
وانا مبسوطة انى بسمع الكلام ده من صاحبة مدونة جميله
ويارب كلامك ده مايكونش مجاملة
تحياتى يا احلى نونى
واشكرك على مرورك
فى حب الله
انا مقدرش انساكى يا قمر
ومتشكرين على الواجب بتاعك
ربنا مايقطعلك عادة
تحياتى وبالتوفيق
سمسمة حقيقى انا مبعرفش اجامل و الحاجة الوحشة بقول عليها وحشة فى وش اللى قدامى فمدونتك اكيد حلوة
تحياتى
nonni
مرسى يا قمر
ده من زوقك والله
تحياتى
فين الجديد يا سمسمه
من الواضح ان البوست بقاله كتير
ومن الواضح انك معملتيش بوست جديد
ومن الواضح اننا عاوزين بوسن
من الواضح اتصرفى بقى
هههههههههههههههه
تحياتى
momken
ادينى نزلت موضوع جديد اهه
اى خدمة
اشكرك على الاهتمام
تحياتى
إرسال تعليق