انا مصرى . الجملة دى بتفتح مجال للمناقشة والجدال واختلاف الاراء وبتخلينا نعرف طريقة تفكير اللى قدامنا
وازاى هو شايف الدنيا والاوضاع اللى احنا فيها ولو جينا وقسمنا الاراء لمجموعات هنلاقى ان فى مجموعة من الناس بيقولوا
انهم سعداء انهم مصريين وبيكونوا فخورين وهم بيقولوا الجملة دى ورايهم انه حتى لو الظروف دلوقتى صعبة شوية
- يعنى مفيش فرص عمل كتير ومفيش جواز كتير و مفيش تعليم خالص ومفيش خدمات كويسة ومفيش وضع اجتماعى محترم-
لازم برضه ندور على اللى احنا عملناه للبلد وننسى كل البلاوى اللى فيها ومن موقع كل واحد مننا لازم نساعد فى تطور البلد
حتى لو كان الموقع ده فى الغالب كرسى على القهوة عشان نأمن للجيل اللى بعدينا مستقبل احسن وبكده نبقى عملنا حاجة كويسة
وخصوصا ان كل المشاكل اللى فى البلد احنا السبب فيها يعنى المدرس اللى مابيشرحش ده مننا والدكتور اللى مش شايف شغله مننا والعامل اللى مش بيراعى ضميره فى اللى بيعمله برضه مننا .
اما المجموعة التانية بيقولوا انهم مش سعداء ولا حاجة انهم مصريين ولو باديهم يغيروا جنسيتهم ومايبقوش مصريين هيغيروها
ويختاروا اى بلد تانية يعيشوا فيها عيشة محترمة ووجهة نظرهم انهم مالهومش ذنب فى كل اللى هم عايشين فى ده
يعنى ذنبه ايه طفل صغير المدرسة والمناهج والمدرسين كرهوه فى التعليم وفى الدنيا كلها
ولا الشاب اللى بعد ماتخرج اشتغل فى حاجة مالهاش علاقة بدراسته خالص وبعد ماقبل بيها وبقى بيشتغل اليوم كله
وطالع عينه فى الشغل مش عارف يعمل اى حاجة بمرتبه ويلاقى انه بيصرف فى المواصلات فلوس اكتر من اللى بيقبضها
طب ايه بقى اللى هيخلينا نفرح باننا مصريين ونبقى فخورين كمان ؟
وفى مجموعة تالته بيقولوا موضوع انهم مصريين ده امر واقع مش هتفرق لو كانوا فخورين بيه او لأ يعنى حتى لو كانوا زعلانين انهم مصريين مفيش حاجة هتتغير
والمجموعة دى شايفين ان الحل انهم يسافروا برة يشتغلوا ويجيبوا فلوس ويربوا عيالهم فى بلد نضيفة ويعلموهم تعليم محترم ويعيشوا بالطريقة اللى هم عايزينها ويبعدوا عن الازعاج والفساد اللى موجود هنا .
الفكرة مش اننا نختار المجموعة اللى بتعبر عن اللى جوانا لكن المشكلة ان كل الاراء دلوقتى مش شايفة ان البلد فيها حاجة كويسة ممكن تبقى هى البداية لحياة مختلفة
حتى الجمل بتاعت بلدنا احسن من غيرها والبلد اللى نعرفها احسن من البلد اللى مانعرفهاش مبقتش موجوده كلنا دلوقتى حاسين ان مصر مش احسن من غيرها وكتير مستعد يروح بلد مايعرفهاش عشان يبعد عن هنا
وانا كل اللى بتمناه ان الاراء بعد 10 سنين تتغير وتبقى احسن وتكون مصر فعلا احسن بلد
وازاى هو شايف الدنيا والاوضاع اللى احنا فيها ولو جينا وقسمنا الاراء لمجموعات هنلاقى ان فى مجموعة من الناس بيقولوا
انهم سعداء انهم مصريين وبيكونوا فخورين وهم بيقولوا الجملة دى ورايهم انه حتى لو الظروف دلوقتى صعبة شوية
- يعنى مفيش فرص عمل كتير ومفيش جواز كتير و مفيش تعليم خالص ومفيش خدمات كويسة ومفيش وضع اجتماعى محترم-
لازم برضه ندور على اللى احنا عملناه للبلد وننسى كل البلاوى اللى فيها ومن موقع كل واحد مننا لازم نساعد فى تطور البلد
حتى لو كان الموقع ده فى الغالب كرسى على القهوة عشان نأمن للجيل اللى بعدينا مستقبل احسن وبكده نبقى عملنا حاجة كويسة
وخصوصا ان كل المشاكل اللى فى البلد احنا السبب فيها يعنى المدرس اللى مابيشرحش ده مننا والدكتور اللى مش شايف شغله مننا والعامل اللى مش بيراعى ضميره فى اللى بيعمله برضه مننا .
اما المجموعة التانية بيقولوا انهم مش سعداء ولا حاجة انهم مصريين ولو باديهم يغيروا جنسيتهم ومايبقوش مصريين هيغيروها
ويختاروا اى بلد تانية يعيشوا فيها عيشة محترمة ووجهة نظرهم انهم مالهومش ذنب فى كل اللى هم عايشين فى ده
يعنى ذنبه ايه طفل صغير المدرسة والمناهج والمدرسين كرهوه فى التعليم وفى الدنيا كلها
ولا الشاب اللى بعد ماتخرج اشتغل فى حاجة مالهاش علاقة بدراسته خالص وبعد ماقبل بيها وبقى بيشتغل اليوم كله
وطالع عينه فى الشغل مش عارف يعمل اى حاجة بمرتبه ويلاقى انه بيصرف فى المواصلات فلوس اكتر من اللى بيقبضها
طب ايه بقى اللى هيخلينا نفرح باننا مصريين ونبقى فخورين كمان ؟
وفى مجموعة تالته بيقولوا موضوع انهم مصريين ده امر واقع مش هتفرق لو كانوا فخورين بيه او لأ يعنى حتى لو كانوا زعلانين انهم مصريين مفيش حاجة هتتغير
والمجموعة دى شايفين ان الحل انهم يسافروا برة يشتغلوا ويجيبوا فلوس ويربوا عيالهم فى بلد نضيفة ويعلموهم تعليم محترم ويعيشوا بالطريقة اللى هم عايزينها ويبعدوا عن الازعاج والفساد اللى موجود هنا .
الفكرة مش اننا نختار المجموعة اللى بتعبر عن اللى جوانا لكن المشكلة ان كل الاراء دلوقتى مش شايفة ان البلد فيها حاجة كويسة ممكن تبقى هى البداية لحياة مختلفة
حتى الجمل بتاعت بلدنا احسن من غيرها والبلد اللى نعرفها احسن من البلد اللى مانعرفهاش مبقتش موجوده كلنا دلوقتى حاسين ان مصر مش احسن من غيرها وكتير مستعد يروح بلد مايعرفهاش عشان يبعد عن هنا
وانا كل اللى بتمناه ان الاراء بعد 10 سنين تتغير وتبقى احسن وتكون مصر فعلا احسن بلد
هناك 48 تعليقًا:
سمسمه
مدونتك جميله وافكارك فعلا مهمه وكلنا
بنفكر فى نفس الموضوعات
لو سمحتى لى
موضوع الانتماء للوطن هو ترمومتر بيرتفع عندما يشعر الانسان بقيمته وينجح فى مجتمعه ------- والعكس صحيح
اما بخصوص الفخر بالجنسيه والكلام ده
فهو شىء غير منطقى
لان المصرى لو كان يحمل جنسيه اخرى
كان ساعتها يمكن يختار بين الجنسيتين
فيمكن المقارنه
ببساطه كل انسان ساعات بيحب بلده
وساعات بيلعن ويسب --يعنى حسب الموقف
فمثلا المعيشه الجميله ومستوى الدخل المرتفع والتعليم الراقى كل دى اسباب حب الوطن ------او كرهه
تعرفى يا سمسمه
انا بدخل مدونات اجنبيه كتير ولاحظت حاجه
كل المدونات الغربيه تقريبا بتكون عن صور للمنزل الجميل والحفلات والاصدقاء والمناسبات وكلها صور تعقد -- بصراحه
مستوى المعيشه رائع هناك وحياتهم جميله ونضيفه جدا
علشان كده مبيشغلوش نفسهم بالسياسه
اما المدونات العربيه فكلها تقريبا
اما سياسه او شعر ورومنسيه
يعنى ناس عندها فراغ واحتياج عاطفى
الخلاصه الناس لو سعيده مش هتتكلم عن احوال البلد ولا سياستها
هتهتم ببيتها واسرتها واصدقائها
اسف على طول التعليق
تحياتى
موضوع اكثر من رائع بس احنا فعلا لازم نكون فخورين اكتر بما حققناه او نتمنى نحققه بايدينا لان الاجداد عملوا اللي عليهم وخلاص. احنا اللى عندنا مشكله دلوقتى
اما موضوع الجنسيه فالحقيقه ان مفيش حد بيقبل حد تانى في مجتمعه بسهوله وحامل الجنسيه بيفضل درجه ثانيه
وتحياتى وعذرا للاطاله
بصى يستى
كل الاراء دى بالنسبالى يعنى لا هتودى ولا هتجيب
عارفه ليه؟؟؟
علشان لو فضلنا نفكر فى ارائنا وهنقول اايه وهنعيد ايه
مفيش حاجه هتتغير
لكن اللى مفروض يحصل
بما ان كل الفئات دى تعبانه ومش مرتاحه فى مصر
انهم كلهم يشتغلوا
ويشتغلوا بجد علشان نلاقى حاجه بتتغير
وزى ماقلتى
المشكله مش فى الحكومه والحراميه وبس
المشكله فينا كمان
احنا اللى محدش بقى بيراعى ربنا فى شغله
كل واحد بيبص تحت رجليه وبس
لكن لازم نبص لاقدام
علشان نقدر نوصل للى احنا عايزينه
فكرتيني يا سمسه بموقف الحكومة المصرية في وقت الاضرابات والاعتصامات لما بدأت قنواتها الرسمية تذيع أغنية ما شربتش من نيلها لشيرين طبعا الاغنية ديه نا بحبها جدا لدرجة انني وضعتها رنة على موبيلي ولكن ليه صديقة حصل لديها ارتباط شرطي سلبي منها وكانت تطلب مني دائما تغييرها وأمام اصراري عليها كانت بتقول ليه يا بتاعة الحزب الوطني !
مصرية
لكن لو كنت اتولدت في اي بلد تاني كنت هافخر اني منه وكنت هاحبه
الانتماء مش لان مصر احسن بلد ولا حاجة بس لانها وطني اللي اتولدت وعشت فيه وارتبطت بكل حاجة فيه
فيه ناس مش بيفرق معاهم اوي الارتباط بالمكان اد ما بيفرق معاهم يعيشوا حياة كريمة ويضمنوا مستقبل كويس
الاتنين مش غلط
سمسة
انا مصرى وابويا مصرى مهما قالوا عن مصر ومهما تعبنا او الخ الخ مصر احسن بلد فى الدنيا كفاية انها بلد الامن والامان اللى احنا فية دة بس قرصة ودن من ربنا علشان زعلان مننا مش معناه ننسى ان دى بلدنا ولازم نحبها مهما حصل فيها الارض ملهاش زنب ناسها اللى زنبهم اكبر
تحياتى ليكى يا عثل
كل اللى اقدر اقوله ياااااارب،
بس التغير دا مش هايحصل غير بينا،
ازاى....؟
دا عاوز كلام كتيييير وكبير،
اولها التخلى عن السلبية،
وابدا بنفسك اولا،
وغيره وغيره،
احييكى على هذا البوست،
تحياتى لك.
بوست جميل وكلام متقسم تمام التمام
وانا شايف ان الانسان فعلا المواقف هى اللى بتغيره
بمعنى ان الناس اللى شجعت مصر فى امم افريقيا 2006 و 2008 وفرحوا وانبسطوا وقعدوا يقولوا مصر مصر
هما هما برضو نفس الناس اللى بتسب وتلعن فى البد
اما حتة ان التعليم فاسد وان الصحة مضروبة وان الاحوال متسرش لاعدوا ولا حبيب
فالسبب فى كل ده
ان هى دى مصر
اسف على الاطالة وتقبلى تحياتى
تحياتي
موضوع مهم جدا...و يمس الامن القومي المصري....و حضرتك صنفتي المجتمع الي فئات
ثلاثة...
طبعا الجميع بيحب مصر و يفتخر بها، هذا رأيي ، لكن لشدة الحب لمصر يمكن ان
انتقدها و بشدة..و ابدي المي و انزعاجي حين أري شيء ما غير صحيح...
الشباب قد يكون لديهم الحق في التذمر
و عدم الرضي و الرغبة في السفر للخارج
لكنهم ايضا مسؤلون و تقع عليهم بعض من المسؤلية...لابد ان نعلم ان التعليم
الجامعي ليس نهاية المطاف...بل بدايته
فهناك التعليم المهني الاحترافي...بمعني الدكتور مثلا لا بد ان يدرس للحصول علي
الماجستير للتخصص ...و الزمالة....و ايضا خريجي التجارة...هناك جمعيات المحاسبيين المحترفين التي تمنح CPA , CFA ,or CIA هذه الشهادات المهنية
تفتح ابواب المستقبل و علي شبابنا
ان يجتهد و يثابر...
اوافقك القول اننا كأفراد في هذا المجتمع مسؤلون عن تدهوره...لان البعض بل الاكثرية منا لا تكترث ..بل و لا تراعي الله في عملها...و الاخرون يلهثون
وراء الثراء السريع...
أيضا الحكومة مسؤلة لانها لم تخطط جيدا لمخرجات التعليم فاصبح هناك عشرات الالاف من الخريجيين بدون فرص عمل بينما هناك تخصصات أخري بها عجز....
أخطر ما في الامر كما قال رئيس تحرير
جريدة المصري اليوم في احدي مقالاته الايام الماضية....ان بعض الشباب في
مناقشة قال لو ان اسرائيل مثلا هاجمت
مصر فلن يدافع عن مصر لانه لا يشعر بأنها بلده....لماذا يذهب و يدفع عمره
ثمنا لبلد هو يعتقد انها ليست له بل لاخرون ينعمون بكل خيراتها...فليذهبوا
هم للدفاع عنها... وهذا منطق خاطيء بل في الحقيقة لا منطق ان جاز التعبير.
علي المسؤلين ان يتنبهوا جيدا..و ان
يبذلوا اقصي استطاعتهم نحو تعديل مثل
هذه المفاهيم الخاطئة...و ذلك عن طريق توفير فرص الحياة الكريمة للجميع.
معذرة علي الاطالة.
تحياتي و تقديري
موضوع جامد ياسمسم
مش عارفه اقولك ايه بجد انا عشت بره مصر وعارفه ياعنى ايه تبقه في بلد مش بلدك احساس مش سهل الغربه صعبه بس الاصعب تحس بالغربه في وطنك تحس انو مش مكانك ولما تبقه ابن او بنت طبقه متوسطه زاى مبيقولو عليها ومع ذلك مش قادر تعمل الانت عايزو مصر بقت قاسيه والاهم انو المصرين مبقوش هما الناس الطيبين البيقفو جنب بعض لا خلاص كل ده بقه شغل افلام انا بجد بقيت بسمع حجات وبقف مش قادره اصدق اقول ده المصرين مش فقدو دينهم دول فقدوا ادنى حدود الانسانيه بجد مش عارفه اقولك ايه جيتى على الجرح
موضوع جامد اوى
تحياتى
انا مصري
اكيد كلنا فخورين اننا مصريين هو اه صحيح احنا زهقنا من السلبيات إلى حوالينا بس اهو بنحاول ان احنا نقاوم تيار الفساد والمحسوبيه بنحاول نحارب الظلم على قد ما نقدر واكيد فى يوم هننتصر مش مهم اننا نقع المهم اننا نقوم تاني ونوقف علي رجلينا ونكمل
سقوطالانسان ليس فشل ولكن الفشل ان يبقي حيث سقط
سمسمه
بأمثالك مصر حتكون احسن بلد
مشكلتنا فى الضمير
يالا نحط ايدينا فى ايدين بعض ونرجع مصر
عروس العالم العربى ام الدنيا
كل عام وانتى بخير
ومااجمل دعوتك ومدونتك
تقبلى تحياتى
وادعوكى لجديدى
ودمتى بود
طبعا مصرى وافتخر
الواحد بيشوف ناس بلدهم ملهاش اى لزمه
ولا ليها فى حاجه وعايشين على المعونات شبه البدو كده وبيفتخروا جدا ببلادهم
ومصر دى دبى او باريس بالنسبه ليهم
بنشوف الناس دى فى الحرم
واد ايه الواحد على اد القرف الى احنا فيه بيفتخر ببلده
ولما بنسمع اخوانا بيتكلموا عن مصر ان الوحيده الى فيها جامعه بتدرس علوم الاسلام
والوحيده والوحيده والوحيده فى حجات كتير اوى
بنحس بالفخر
اه انا مصرى وبحب مصر يا جماعه
تحياتى
snohe
فى الاول انا بشكرك على كلامك الجميل
وبعتذر عن تاخيرى فى الرد
كلامك صح جدا بس للاسف احنا مش مرتاحين
تحياتى
Nabil
اشكرك على كلامك
بس للاسف حتى و احنا فى بلدنا بنتعامل درجة تانية
تحياتى
di el2mr
كلامك مظبوط بس مين يسمع ومين ينفذ
يارب كل الناس تبص لقدام بجد
اشكرك على مشاركتك الجميلة
تحياتى ياقمر
dalia
ماشى يابتاعت الحزب الوطنى
بجد ياريت نحب بلادنا عشان نقدر نديها من قلبنا ويبقى لينا هدف فى حياتنا
تحياتى يا جميل
اشكرك على مشاركتك
سنووايت
الاتنين مش غلط بس ياترى مين مبسوط فيهم
يعنى اللى هيختار يعيش عيشة نضيفة بس يتنازل انه يسيب بلده ياترى هيبقى سعيد ولا اللى فى بلده بس مش مرتاح هو اللى هيكون سعيد
تحياتى يا قمر
PrInCeSS BeRy
منورانى بجد دى اول زيارة ليكى ياريت تتكرر علطول
وكويس ان فى حد لسه بيحب مصر كده انا كنت هفقد الامل خلاص
تحياتى يا قمر
رؤية
انتى قلتى اللى فيه المفيد
بس المهم مين هيعمل كده
تحياتى يا قمر
واحــد ميــت
شكرا على الكلام الجميل
بس انا شايفة ان الماتشات والحاجات الى لسه بنفوز فيها دى بقت مجرد مسكن للالام او بقت حاجة بتنسينا الهموم التانية وللاسف مفعولها فى السعادة مش بيدوم كتير لاننا بعد كده بنفوق ونرجع تانى لحياتنا
بس فعلا ممكن ده يكون بياكد اننا بنحب مصر بس لما تفوز وبس
تحياتى
الربان
اشكرك على مشاركتك
لكن اعذرنى الاسر بتعلم عيالها بالعافية هيجيبوا فلوس منين لماجيستير ودكتوراه الكلام ده لو الشباب لاقوا شغل يساعدوا بيه فى المصاريف لكن الحال زى ماانت عارف
تحياتى
ماء تشرين
اشكرك على كلامك الجميل
وفعلا هو ده اللى انا بقوله ماينفعش نعيش درجة تانية فى بلدنا طب مانعيش درجة تانية فى اى بلد تانية بس يكون معانا فلوس نقدر بيها نعيش عيشة مرتاحة
تحياتى يا قمر
شملولي بن سحلولي
اول زيارة نورتنا
بتمنى ان المدونة تكون عجبتك وتكرر الزيارة
تحياتى
فى حب الله
كلامك مظبوط
بس انا بقيت حاسة اننا بقينا نقف عشان نقع تانى
انا عارفة انى مش متفاءلة بس هعمل قدرى
تحياتى يا قمر
طارق الغنام
بجد اشكرك على الكلام الجميل
وعلى دعوتك الجميلة
ده اللى احنا محتاجينه فعلا كفايانا بجد المفروض كلنا نتحد على الخير وننوى اننا نخلى مصر تبقى احسن
تحياتى
momken
يارب تفضل دايما كده
وانا بحييك على موقفك
اشكرك على المشاركة
تحياتى ياقمر
والله ياسمسومة حاسة انك متفائلة جدا
بعد عشر سنين بس!!!!!
حضرتك ليك عندى هديه متواضعه ممكن تقبليها وتاخديها من فوح الياسمين
موناليزا
انا عارفة انى بحلم
بس هعمل ايه يعنى
تحياتى يا قمر
Nabil
كلك ذوق والله
وشكرا بجد على هديتك الجميلة
وبجد ده كتير عليه اوى
تحياتى
افكارك رائعه عزيزتى
يا رب ياختى يا رب ايدى على كتفك
بوست جميل
احييكى واتمنى تنورينى
rania
والله انتى اللى رائعة
نورتى يا قمر
تحياتى
بنت مصرية
شكرا يا قمر على الزيارة
وعلى كلامك الجميل
تحياتى
مش لازم اكون مبسوط فى بلدى عشان افتخر بيها صحيح ممكن يكون مفيش وظايف والتعليم فى النازل ومفيش جواز وفى زياده فى نسبة العنوسه بس رغم كل ده اى انسان بيبعد عن وطنه يوم واحد بيحنله تانى ودا مش شعار دا حقيقه فعلا وعن تجربه وكل سنه وانتى طيبه ياريت تزورى مدونتى ونكون اصدقاء
انا جيت تانى علشان اقول
كل سنه وانت طيبه
رمضان كريم
فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة ) فى هذا الرابط:
http://www.ouregypt.us/culture/main.html
مصر هتفضل مصر
اه فى حاجات غريبه و فيها ظلم
بس مش منها
بنحبها و بنفتخر بيها
و هنفضل كدة
تحياتى
{}{}{}{}{سـيد الأخـلاق}{}{}{}{}
تتشرف اسرة هذه المدونه بدعوة سيادتكم لحضور افتتاح المدونه فى شكلها الجديد و لكم منا جزيل الشكر
www.4islamic.blogspot.com
وتقبل الله منا ومنكم صالح الأعمال
كل سنه وانتى طيبه
عيد سعيد عليكى وعلى المسلمين جميعا
باليمن والخير والبركات
أفكارك فى الصميم وبتفتحى مواضيع حقيقى بتمسنا
مش عارفه أنا منتميه للبلد دى مهما حصل منها كفايه ناسها بجد والله طيبين وبتبان معدن المصرى الحقيقى وقت الزنقه
hello....
any body there
يارب كل حاجه تمام
تحياتى ودعواتى
انتى فين من زمان
طالت الغيبه جداً
فين الجديد يا استاذه
تحياتى
دى الغيبه طالت جدا جدا
يارب كله تمام
ازيك يا سمسمة عاملة اية يارب تكونى بخير موضوعك جميل كتير فكرة اننا نقول اننا مصريين سدقينى وسام على صدورنا اننا نكون مصريين ومن البلد دى المذكورة فى القران الكريم احنا مكرمين بس مش حاسين بقيمة بلدنا اللى الكل بيتمناها
بحييكى على طرحك للموضوع
السلام عليكم ورحمه الله وبركاته
السادة الأفاضل زوار مدونتي الأعزاء ، أساتذتي الفضلاء ، إخوتي من المدونين والمدونات ،أصدقائي الأعزاء
تحية طيبة وبعد
أتشرف بدعوتكم اليوم إلى زيارة مدونتي ( مدونة ادم ويحيى ) وذلك بصفتكم أحد الشركاء الأساسين فيها بآرائكم وتعليقاتكم على موضوعاتها وزيارتكم لها
لحضور ندوة بعنوان
( ادم ويحيى ، تجربة تدوين )
اليوم هو استفتاء على تجربة تدوين
اليوم نعرف من هو أبو يحيى وادم وكذلك ادم ويحيى من هم ومن والدتهم
اليوم نعرف حقيقة هذه المدونة وما هي رسالتها الحقيقة وهدفها
اليوم رسالة اعتذار لكم عن بعض الأمور
اليوم رسالة شكر من كل قلبي على أمور أخرى
اليوم استفتاء حول منهج مدونة ادم ويحيى
اليوم هو رسالة منكم لي حول ما طالعتموه بيوم من الأيام بهذه المدونة
فأرجوا أن لا تبخلوا على بتعليقكم على هذه ألتدوينه
في انتظار زيارتكم
والسلام عليكم ورحمة الله وبركاته
د/أبو يحيى وادم
إرسال تعليق